GüclüSən

Sağlam olmaq çox dəyərlidir, amma gələcəkdə nə ilə qarşılaşacağımızı əvvəlcədən bilmək mümkün deyil. Bu sığortanın məqsədi də gözlənilməz sağlamlıq riskləri qarşısında sizi qorumaqdır. Məqsəd xəstəliyi gözləmək deyil, belə bir gözlənilməz vəziyyət baş verdikdə maliyyə yükünüzü azaltmaq və müalicə ilə bağlı qərarlarınızı daha rahat verməyinizə dəstək olmaqdır.

Süd vəzi xərçəngi süd vəzi toxumasındakı hüceyrələrin nəzarətsiz şəkildə çoxalması nəticəsində yaranan bədxassəli xəstəlikdir. Xəstəlik müxtəlif formalarda inkişaf edə və erkən mərhələdə uzun müddət heç bir əlamət verməyə bilər.

Tibbi sığorta və «GüclüSən» xəstəlik zamanı sizə fərqli formada dəstək verir. Tibbi sığortanız öz şərtləri çərçivəsində sığorta təminatına daxil olan tibbi xidmətlərin xərclərinin qarşılanmasına kömək edir.

• «GüclüSən» isə süd vəzi xərçəngi üzrə sığorta hadisəsi baş verdikdə sizə 30 000 AZN birdəfəlik ödəniş təqdim edir.
• Bu vəsaitdən necə istifadə edəcəyinizə özünüz qərar verirsiniz. Vəsaitdən ölkə daxilində və ya xaricdə konsultasiya, ikinci tibbi rəy, müalicə və ya həmin dövrdə yaranan digər ehtiyaclarınız üçün istifadə edə bilərsiniz.

Yəni «GüclüSən» tibbi sığortanızı əvəz etmir, xəstəliklə qarşılaşdığınız zaman sizə əlavə maliyyə dəstəyi və seçim imkanı yaradır.

Gözləmə müddəti sığorta müqaviləsində əvvəlcədən müəyyən edilən dövrdür və sığorta ödənişinin hansı tarixdən sonra baş verən hadisələrə şamil olunacağını müəyyən edir. «GüclüSən» məhsulu üzrə gözləmə müddəti 90 gündür.Bu müddət sığorta müqaviləsi bağlanarkən artıq mövcud ola bilən, lakin hələ aşkar edilməmiş / diaqnoz qoyulmamış xəstəliklərlə bağlı risklərin düzgün qiymətləndirilməsi məqsədilə tətbiq edilir.

Məhsulu 18–65 yaş aralığında olan xanımlar əldə edə bilər.

Xeyr, bu məhsul süd vəzi xərçənginin ilk diaqnozunu təmin etdiyi üçün daha əvvəl süd vəzi xərçəngi keçirmiş şəxslərin qoşulması nəzərdə tutulmur.

Ödəniş sığorta müqaviləsinin şərtlərinə uyğun olaraq həyata keçirilir. Ödəniş aşağıdakı hallarda həyata keçirilmir:

• xəstəlik sığorta müqaviləsi bağlanmazdan əvvəl mövcud olubsa;
• diaqnoz 90 günlük gözləmə müddəti ərzində qoyulubsa;
• diaqnoz tələb olunan tibbi sənədlərlə, o cümlədən histoloji müayinə ilə təsdiqlənməyibsə;
• ilkin müraciət zamanı sağlamlıq vəziyyəti barədə yanlış və ya natamam məlumat təqdim edilibsə;
• diaqnoz süd vəzi xərçənginə deyil, digər orqanın xərçəng xəstəliyinə aiddirsə.

Bütün tələb olunan sənədlər tam təqdim edildikdən sonra ödəniş müraciətiniz 7 iş günü ərzində qiymətləndirilir və təsdiq olunduqda vəsait bank hesabınıza köçürülür.

Bəli. «GüclüSən»i qanunvericiliyə uyğun olaraq sığorta marağınız olan başqa bir şəxs üçün də əldə edə bilərsiniz. Məsələn, həyat yoldaşınız, valideyniniz və ya övladınız üçün müraciət edə bilərsiniz. Bunun üçün sığorta olunacaq şəxsin razılığı və tələb olunan məlumatların təqdim edilməsi zəruridir.

Müqavilə 1 il müddətinə bağlanır və müddətin sonunda sizin istəyiniz əsasında yenilənə bilər.

Müqavilənin müddəti bitməzdən əvvəl Sizə yenilənmə ilə bağlı məlumat təqdim olunur. Yenilənmə şərtləri qəbul edildikdən və müvafiq sığorta haqqı ödənildikdən sonra müqavilə yenilənmiş hesab olunur. Fasiləsiz yenilənmə zamanı gözləmə müddəti tətbiq olunmur.

Bəli. Müqavilənin müddəti başa çatmamış onun dayandırılması üçün müraciət edə bilərsiniz. Müqaviləyə xitam verilməsi və sığorta haqqının qaytarılması qanunvericiliyin və müqavilənin şərtlərinə uyğun həyata keçirilir.

Məhsul, müqavilə, ödəniş və ya sənədlərlə bağlı suallarınız üçün (012) 942 çağrı mərkəzinə müraciət edə bilərsiniz.